Í framhaldsskólum (t.d. menntaskólum, og iðnnámi/starfsnámi) er hver áfangi metinn í framhaldsskólaeiningum.

• Eitt námsár í fullu námi jafngildir 60 einingum.
• Flestir áfangar eru metnir á bilinu 2–10 einingar, eftir því hversu mikla kennslu og vinnu þeir krefjast.
• Til að ljúka stúdentsprófi þarf nemandi yfirleitt um 200 einingar (fer eftir skóla og námsbraut).

Í háskólum er notast við ECTS-einingar (European Credit Transfer System), sem er evrópskt kerfi sem gerir mögulegt að bera saman nám milli háskóla.

• 60 ECTS einingar samsvara einum námsári í fullu námi.
• Eitt námskeið getur t.d. verið 5 eða 10 ECTS einingar.
• Til að ljúka BA- eða BS-gráðu þarf nemandi yfirleitt 180 ECTS einingar, og meistaragráða (MA/MS) bætir við 60–120 ECTS einingum.

Bandarískir og breskir háskólar nota annað einingakerfi sem eru einnig styrkhæf. 

Bandarískir háskólar styðjast við Credit hours, U.S. credit hour ≈ 2 ECTS

Breskir háskólar styðjast við UK Credits eða CATS (Credit Accumulation and Transfer Scheme), 2 UK credits ≈ 1 ECTS

Nám, námskeið eða próf sem veita formleg starfsréttindi til starfa, kennslu eða til að sinna ákveðnu fagi á viðurkenndan hátt flokkast sem aukin réttindi.
Þessi réttindi veita heimild til að starfa í ákveðnu fagi, taka að sér kennslu eða þjónustu sem krefst sérstakrar hæfni eða nota starfsréttindin sem fagfólk í ákveðnu starfi.

Aukin réttindi geta bæði verið lögvernduð (t.d. ökuréttindi, iðngreinar og viðurkenndur bókari) og ólögvernduð en samt faglega viðurkennd (t.d. jógakennaranám, viðurkenndur markþjálfi eða PGA golfkennaranám).