Félagsmenn VR og annarra aðildarfélaga innan Landssambands íslenskra verzlunarmanna (LÍV) geta sótt um styrki vegna starfstengdra námskeiða og náms, tómstundanáms og ferðakostnaðar vegna starfstengds náms/ námskeiða og ráðstefna samkvæmt reglum sjóðsins.
Félagsmenn sækja um styrk í gegnum sitt stéttarfélag.
- Félagsmenn VR sækja rafrænt um styrk á Mínum síðum á vefsíðu VR.
- Félagsmenn annarra stéttarfélaga innan LÍV sækja um hjá sínu stéttarfélagi með því að prenta út styrkumsókn og skila til viðkomandi stéttarfélags.
Veittur er styrkur fyrir 90% af námi/starfstengdu námskeiðsgjaldi/ráðstefnugjaldi að hámarki 130 þúsund á ári. Upphæðin dregst frá hámarksstyrk.Ef ekkert hefur verið sótt um í starfsmenntasjóðinn í þrjú ár í röð er hægt að sækja um styrk fyrir 90% af námskeiðsgjaldi að hámarki 390.000 kr. fyrir einu samfelldu námi. Aðeins er hægt að sækja um styrkinn í einu lagi. Greiðslur til sjóðsins þurfa að hafa borist að lágmarki í 30 mánuði af síðustu 36 mánuðum fyrir dagsetningu umsóknar.
Hér er hægt að skoða lista yfir námsframboð. Þessi listi er ekki tæmandi, sjá nánari skilgreiningu sjóðsins á því hvað fellur undir starfstengt nám.
Félagsmenn sem verða öryrkjar halda rétti sínum til starfstengdra styrkja í 12 mánuði frá því að greiðslur atvinnurekenda hætta að berast vegna þeirra til sjóðsins. Þeir sækja um styrk í starfsmenntasjóð með því að senda útfyllt eyðublað ásamt afriti af örorkuvottorði frá Tryggingastofnun í tölvupósti á sitt stéttarfélag.