Fyrirtæki með starfsmenn sem eru félagsmenn VR/LÍV geta sótt um styrk vegna náms og fræðslu starfsmanna.
Fyrirtækjastyrkir eru aðskildir einstaklingsstyrkjum og hefur úthlutun fyrirtækjastyrks engin áhrif á réttindi einstaklinga. -
Umsóknir fyrirtækja fara í gegnum Áttina.is
Með umsókn þarf að fylgja:
- Nafnalisti með kennitölum og stéttarfélagsaðild
- Reikningur
Við úthlutun styrkja er tekið mið af eftirfarandi:
- Fyrirtæki þarf að hafa greitt iðgjöld í sjóðinn í 12 mánuði til að eiga rétt á styrk.
- Sækja þarf um styrk innan 12 mánaða frá því að námskeið var haldið.
- Styrkur getur numið að hámarki 75% af kostnaði við námskeiðahald og að hámarki 90.000 kr. á starfsmann sem er félagsmaður í VR/LÍV.
- Fyrirtæki getur ekki sótt um styrk vegna náms/námskeiðs sem einstaklingur hefur fengið styrk fyrir.
- Styrkur til fyrirtækis getur orðið að hámarki 50% af greiddum iðgjöldum til sjóðsins á 36 mánuðum.
- Fyrirtæki getur fengið samþykki fyrir styrk áður en námskeið er haldið, en greiðsla fer fram eftir að námskeiði lýkur. Styrks skal vitjað innan 12 mánaða, annars fellur hann niður.
- Verkefni sem stuðla að nýsköpun njóta forgangs.
- Stjórn getur heimilað sérstaka undanþágu frá þessum ákvæðum ef verkefni felur í sér frumkvöðlastarf eða nýsköpun.