Fyrirtæki með starfsmenn innan VR/LÍV geta sótt um lækkun á greiddu iðgjaldi til sjóðsins úr 0,3% í 0,1%.
Umsóknareyðublað fyrir lækkað iðgjald - Eyðublað fyrir sundurliðaðan kostnað
Viðmið við afgreiðslu umsókna:
- Félagsmenn í VR/LÍV eigi kost á að sækja þau námskeið sem eru í boði.
- Í boði séu bæði fagnámskeið og námskeið almenns eðlis.
- Ekki er greitt fyrir launakostnað starfsmanna vegna námskeiða.
Þegar sótt er um í fyrsta sinn þurfa eftirfarandi gögn að fylgja með umsókn:
- Sundurliðað yfirlit yfir kostnað fyrirtækis s.l. 12 mánuði vegna fræðslu starfsmanna í VR/LÍV sem tiltekur bæði innri og ytri fræðslu (hér er hægt að styðjast við excel skjal, sjá hlekk að ofan). ATH. kostnaður vegna fræðslu félagsmanna VR/LÍV á 12 mánaða tímabili verður að vera meiri en sem nemur 0,30% af heildarlaunum þeirra á tímabilinu (reitur 02 á launaframtali).
- Námskrá fyrirtækisins eða fræðsluáætlun komandi árs ásamt öðrum gögnum er staðfesti að virk menntastefna sé til staðar.
Undanþágan gildir fyrst í eitt ár.
Samþykki stjórn lækkað iðgjald úr 0,3 í 0,1% tekur hún gildi frá og með næstu mánaðarmótum.
Þegar sótt er um endurnýjun þurfa eftirfarandi gögn að berast með umsókn:
- Sundurliðað yfirlit yfir kostnað fyrirtækis frá síðustu umsókn vegna fræðslu starfsmanna í VR/LÍV sem tiltekur bæði innri og ytri fræðslu (hér er hægt að styðjast við excel skjal, sjá hlekk að ofan). Kostnaður vegna fræðslu félagsmanna VR/LÍV á tímabilinu verður að vera meiri en sem nemur 0,30% af heildarlaunum þeirra á tímabilinu. ATH ef sótt er um áframhaldandi lækkun eftir tvö ár þá þarf að skila inn gögnum sl. tveggja ára.
- Námskrá fyrirtækisins, fræðsluáætlun komandi árs og önnur sambærileg gögn er staðfesti að virk menntastefna sé til staðar.
Hægt er að sækja um endurnýjum á lækkuðu iðgjaldi sem berast þarf sjóðnum a.m.k. tveimur mánuðum áður en undanþágan fellur úr gildi
Endurnýji fyrirtæki umsókn sína um lækkað iðgjald gildir hún eftir það í tvö ár ef tilskilin gögn berast.