Fréttir

Tilraunakennsla í ensku í formi rafræns fjarnáms fór fram í marsmánuði og voru niðurstöður kynntar föstudaginn 23. mars. Samtök ferðaþjónustunnar (SAF) hlutu styrk úr Þróunarsjóði framhaldsfræðslu til verkefnisins en um er að ræða samstarfsverkefni SAF, SVÞ, Eflingar, Fræðslumiðstöðvar atvinnulífsins, Starfsmenntasjóðs verslunar- og skrifstofufólks, Starfsafls og Landsmenntar en starfsmenntasjóðirnir þrír hafa styrkt verkefnið sérstaklega.

Kex Hostel skrifaði í morgun undir samning við Starfsmenntasjóð verslunar- og skrifstofufólks og Starfsafl um fræðslustjóra að láni frá sjóðunum. Kex Hostel er eitt athyglisverðasta ferðaþjónustufyrirtækið á höfuðborgarsvæðinu og hefur m.a. hlotið nýsköpunarverðlaun Samtaka ferðaþjónustunnar. Fyrirtækið hefur vakið verðskuldaða athygli hérlendis og erlendis en það er allt í senn, hótel, farfuglaheimili, gistiheimili, matsölustaður og bar.

Fjórir verksamningar voru undirritaðir í október um Fræðslustjóra að láni. Það eru fyrirtækin Icelandair Hótel Reykjavík Natura, Bílaleigan Hertz, Debenhams og Bandalag íslenskra farfugla. Samningarnir ná til um 250 manns.

Minnum á réttindaflutning á milli starfsmenntasjóða. Óska þarf eftir flutningi innan árs eftir að greiðslur hefjast í nýtt félag. Hægt er að flytja réttindi sem miðast við iðgjaldagreiðslur í 12 mánuði Ef styrkir hafa verið nýttir hjá fyrri sjóði á tímabilinu dragast þeir frá.

SVS, Starfsafl og Landsmennt hafa gengið frá nýjum samningi um flutning réttinda félagsmanna milli fræðslusjóðanna sem gildir frá 1. janúar 2011. Reglunum er ætlað að tryggja sanngjarnan flutning réttinda milli sjóða.

Olíuverzlun Íslands, gerði nýverið samning við Starfsmenntasjóð verslunar- og skrifstofufólks, Starfsafl og Landsmennt um verkefnið „Fræðslustjóri að láni“. Samningurinn nær til tæplega 500 starfsmanna Olís þar af eru um 185 starfsmenn í SVS. Fyrirtækið rekur umfangsmikla verslunarstarfsemi um allt land á sviði olíu-, rekstrar- og útivistarvara. Birna V. Jakobsdóttir, mannauðsráðgjafi og verkefnastjóri hjá Miðstöð símenntunar á Suðurnesjum fer yfir fræðslumál fyrirtækisins og greinir þörf fræðslu og bendir á leiðir til að auka fræðslu í framhaldi af greiningu með aðstoð sjóðanna.

Fræðslusjóðirnir Starfsmenntasjóður verslunar- og skrifstofufólks, Starfsafl og Landsmennt hafa útbúið sameiginlegt umsóknareyðublað fyrir fyrirtæki sem vilja sækja um styrki til starfsmenntunar. Í stað þess að sækja um til hvers sjóðs sérstaklega á mismunandi eyðublöðum er hægt að sækja um til allra sjóðanna eða einstakra sjóða ef fyrirtækið er ekki með blandaða starfsemi. Það er von sjóðanna að þetta verði til þess að einfalda alla skriffinsku fyrirtækjanna og auka veg starfsmenntunar innan þeirra. Upplýsingargluggar eru til staðar þar sem mismunandi fylgigögn eru útskýrð.

Þann 11. júní sl. samþykkti Alþingi frumvarp félags- og tryggingaráðherra um skyldu allra atvinnurekenda til að greiða gjald í ,,fræðslusjóði atvinnulífsins''. Sjá lög nr. 55/1980.

1912 samstæðan, Starfsmenntasjóður verslunar- og skrifstofufólks (SVS)og Starfsafl undirrituðu samkomulag þann 30. mars um fræðslustjóra að láni til fyrirtækisins. Samningurinn nær til um 70 starfsmanna í Reykjavík og Akureyri, þar af eru um 50 í aðildarfélögum sjóðanna.

Reykjavik Excursions (Kynnisferðir ehf), SVS og Starfsafl hafa gengið frá samkomulagi um um lán á fræðslustjóra til fyrirtækisins. Samningurinn nær til um 80 starfsmanna. Á sumrin eykst fjöldi starfsmanna töluvert. Grunnstoðir fyrirtækisins eru rekstur flugrútunnar og skoðunarferðir.