Fréttir

Skrifað hefur verið undir samning um að fara af stað með Fræðslustjóra að láni til Icelandair. Hjá fyrirtækinu, sem er eitt af fjölmennustu vinnustöðum á Íslandi, starfa um 1800 manns. Í þessu verkefni mun vera einblínt á þjónustu- og söluskrifstofuna, en þar starfa í nokkrum deildum 150 starfsmenn.

A4 hafa nú lokið Fræðslustjóra að láni verkefni. Haldin var kynning á morgunverðarfundi allra starfsmanna á fræðsluáætluninni við góðar undirtektir. Góð mæting var hjá starfsmönnum sem mættu frá ólíkum starfstöðvum á höfuðborgarsvæðinu og gæddu sér á ljúffengum morgunverði. Ákveðið var að setja fræðslumálin í markvissan farveg hjá fyrirtækinu eftir stefnumótunarvinnu sem þau fóru í fyrr á þessu ári. Fulltrúar allra deilda sátu í rýnihópum og kom margt fram varðandi fræðsluþörf sem unnið verður með í kjölfar verkefnisins.

Fóðurblandan fékk Fræðslustjóra að láni og lauk vinnunni með kynningu á niðurstöðum verkefnisins í dag. SVS tók þátt í verkefninu ásamt Landsmennt og Starfsafli. Gerð var fræðsluáætlun útfrá niðurstöðum rýnihópanna sem unnið verður eftir næsta árið. Stofnuð var fræðslunefnd sem í eru þrír starfsmenn og er hlutverk þeirra að fylgja eftir áætluninni innan fyrirtækisins.

Starfsmenn SVS hafa farið í heimsóknir á þrjár skrifstofur stéttarfélaga í LÍV undandfarið. Heilsað var upp á starfsfólk og farið yfir brýnustu mál hjá FVSA Akureyri, VS Suðurnesjum og VMS Suðurlandi.

Hjá Samtökum atvinnulífsins var haldin kynning á Fræðslustjóra að láni sem er sameiginlegt verkefni nokkurra starfsmenntasjóða. Fjölmörg fróðleg erindi voru haldin um verkefnið. SVS ásamt Landsmennt og Starfsafli kynntu verkefnið og praktísk atriði. Fram kom í erindi starfsmenntasjóðanna að 120 fyrirtæki með 10.000 starfsmenn, hafa nú þegar fengið fræðslustjóra að láni.

Húsfyllir var á fyrsta fundi um starfsmenntamál hjá SA þann 24. september. Þröngt var um gesti en það kom ekki að sök, stuttir og snarpir fundir þar sem tekið er á starfsmenntamálum er yfirskrift fundarraðarinnar.

Kaupás ehf. hefur fengið fræðslustjóra að láni. Kaupás rekur 24 matvöruverslanir á höfuðborgarsvæðinu og vís vegar um sunnan- og austanvert landið. Um er að ræða eina stærstu keðju verslana hér á landi og fögnum við því að þetta verkefni er farið af stað.

Þann 12. júní s.l. var haldinn fundur um menntun verslunarfólks á Norðurlöndunum í Húsi atvinnulífsins. Fundurinn var á vegum SVÞ, Rannsóknarseturs Verslunarinnar og Starfgreinaráðs verslunar- og skrifstofufólks. Frummælendur vour starfsmenntafulltrúar frá félögum vinnuveitenda í verslun í Danmörku, Svíþjóð og Noregi.

Laugardaginn 7. júní sl útskrifuðust átta nemendur úr diplómanámi í verslunarstjórnun frá Háskólanum á Bifröst. Þessi dagur markaði þau tímamót að 10 ár eru liðin frá því fyrsti hópurinn útskrifaðist úr námi í verslunarstjórnun. Á þeim tíma hafa útskrifast alls 178 nemendur.