Fréttir

Stjórn starfsmenntasjóðs verslunar- og skrifstofufólks samþykkti síðasta haust að hrinda af stað átaki til næstu 18 mánaða með verkefnið „Fræðslustjóri að láni“. Átakið einskorðast við fyrirtæki innan Samtaka atvinnulífsins sem greiða til SVS þar sem starfsmenn eru á bilinu 7 til 25 og er óháð rétti fyrirtækjanna í sjóðinn. Minni fyrirtæki hafa ekki átt kost á að sækja um „Fræðslustjóri að láni“ til sjóðsins vegna takmarkaðs réttar. Með átakinu sem stendur til 31. maí 2017 mun sjóðurinn að öllu leyti standa straum af kostnaði verkefnisins af hálfu SVS.

Í vikunni verða haldnir kynningarfundir á Áttin.is – nýrri vefgátt fræðslusjóða atvinnulífsins þar sem 8 fræðslusjóðir bjóða þjónustu sína. Fyrirtæki eiga nú kost á að senda eina umsókn til eins, nokkurra eða allra sjóðanna, allt eftir stéttarfélagsaðild starfsmannahópsins.

Í ljósi sérstakra aðstæðna í samfélaginu mun Starfsmenntasjóðurinn bjóða félagsmönnum VR/LÍV og aðildarfyrirtækjum upp á netnámskeið þeim að kostnaðarlausu. Fyrsta námskeiðið er örnámskeið og fjallar um Árangursrík samskipti. Í námskeiðinu er farið yfir helstu atriði sem huga þarf að í samskiptum bæði í fjarfundum og öðrum samskiptum.

Þriðjudaginn 3. maí 2016 undirritaði Prentmet samning til þátttöku í verkefninu Fræðslustjóri að láni. Þeir aðilar sem koma að verkefninu auk Prentmets eru RM ráðgjöf, IÐUNN fræðslusetur og Starfsmenntasjóður verslunar- og skrifstofufólks. Samningurinn felur í sér að sjóðirnir leggja til fræðslustjóra að láni sem greinir fræðsluþörf Prentmets og semur fræðsluáætlun byggða á greiningunni. Fræðsluáætlunin skal vera með útfærslu á leiðum að tímasetningu námskeiða og tillögum ásamt aðgerðum um þjálfun og menntun til styttri og lengri tíma. Greiningin og áætlunin verður unnin í nánu samstarfi við starfsmenn fyrirtækisins og stjórnendur. Til verkefnisins eru áætlaðar að hámarki 38 klukkustundir og verkið verður unnið á tímabilinu maí til loka júní.

Við óskum sjóðsfélögum og samstarfsaðilum gleði og friðar yfir hátíðarnar og farsældar á komandi ári.

Höldur-Bílaleiga Akureyrar hefur lokið fræðslustjóra að láni verkefni sem hófst formlega í febrúar á þessu ári. Verkefnið fólst í því að þarfagreina allt fyrirtækið m.t.t. sí- og endurmenntunar, þjálfunar í starfstengdri færni og annarra jákvæðra breytinga. Símenntunarmiðstöð Eyjafjarðar-SÍMEY og IÐAN fræðslusetur unnu verkið. Fyrir liggur fræðsluáætlun til 3ja ára. SVS-Starfsmenntasjóður verslunar- og skrifstofufólks styrktu verkefnið ásamt, Landsmennt og IÐAN fræðslusetur.

Stjórn Starfsmenntasjóðs verslunar- og skrifstofufólks (SVS) hefur tekið þá ákvörðun að flýta gildistöku ákvæðis nýrra reglna varðandi uppsöfnun á rétti í sjóðinn. Gildistakan varðandi uppsafnaðan rétt átti að taka gildi 1. janúar 2017 en tekur nú gildi 1. janúar 2016. Samkvæmt nýjum reglum SVS gefst félagsmanni sem ekki hefur nýtt sér rétt sinn í starfsmenntasjóð SVS þrjú ár í röð, kostur á að nýta sér styrk allt að 270.000 kr. fyrir einu samfelldu námi. Ekki er hægt að safna upp rétti umfram þá upphæð.

Actavis ehf fær Fræðslustjóra að láni fyrir starfsmenn verksmiðju Actavis sem starfar sem séreining innan Actavis. Fyrr á árinu tilkynnti móðurfélag Actavis um lokun versmiðjunnar og er verkefninu Fræðslustjóra að láni ætlað að kortleggja hæfni og þjálfunarþörf starfsmanna fyrirtækisins með það að markmiði að undirbúa þá starfsmenn verksmiðjunnar fyrir fyrirhugaðar breytingar hjá fyrirtækinu. Það er gert með það í huga að starfsmennirnir verði betur í stakk búnir til að takast á við ný störf á öðrum vettvangi í framtíðinni.

Vífilfell bætist í hóp þeirra sem sótt hafa um fræðslustjóra að láni. Hjá Vífilfell starfa um 230 manns og er verkefnið styrkt af Starfsmenntajóði verslunar- og skrifstofufólks (SVS), Landsmennt, Starfsafli og Verkstjórasambandi Íslands (VSSÍ). Ráðgjöf verkefnisins er í höndum Attendus