Fréttir

Eimskip Ísland, Starfsmenntasjóður verslunar- og skrifstofufólks (SVS), Starfsafl og Landsmennt hafa gengið frá samkomulagi um „Fræðslustjóra að láni" til fyrirtækisins. Samningurinn nær til um 750 starfsmanna en um 500 þeirra eru félagsmenn ofangreindra fræðslusjóða.

Dagur menntunar í ferðaþjónustu verður haldinn á Grand Hótel Reykjavík þ. 25. febrúar nk. Þetta er í þriðja sinn sem Samtök ferðaþjónustunnar standa að ráðstefnu þessari en Starfsmenntasjóður verslunar- og skrifstofufólks, Starfsafl og Landsmennt hafa styrkt ráðstefnuna á undanförnum árum. Að þessu sinni verður m.a. fjallað um góðan árangur í starfsþjálfun hjá ítölskum ferðaþjónustufyrirtækjum og mikilvægi starfsmenntunar í ferðaþjónustu á krepputímum. Þá verður starfsmenntaviðurkenning SAF afhent í lok ráðstefnunnar. Ferðaþjónusta bænda hlaut viðurkenningu 2009.

Á árinu 2009 undirritaði Starfsmenntasjóður verslunar- og skrifstofufólks samning við 5 fyrirtæki vegna verkefnisins "Fræðslustjóri að láni" sem er verksamningur um þjálfun og fræðslu félagsmanna LÍV og VR. Fyrirtækin sem um er að ræða eru Skeljungur, IP fjarskipti, Össur, Listadún Marco og Eimskip Ísland.

Securitas hf. hlaut starfsmenntaverðlaunin í ár í flokki fyrirtækja fyrir framlag sitt til fræðslu meðal starfsmanna sinna.

Starfsmenntasjóður verslunar- og skrifstofufólks og Starfsafl undirrituðu í morgun samning við Skeljung hf. um lán á fræðslustjóra. Þetta er fyrsti samningurinn um fræðslustjóra þar sem þessir stóru fræðslusjóðir eru í samvinnu um verkefnið. Samningurinn nær til um 95 félagsmanna Landssambands ísl. verslunarmanna og VR og um 180 félagsmanna Eflingar hjá Skeljungi hf.

Nýr vefur "Menntatorg" var opnaður formlega föstudaginn 6. mars sl. Hann er ætlaður þeim sem eru 20 ára og eldri, hafa ekki lokið framhaldsskóla, eru atvinnulaus og eru að leita sér að stuttu námi eða námskeiði

Veittur er 75% styrkur til félagsmanna sem eru á atvinnuleysisbótum og greiða félagsgjöd. Ákvæði þetta sem er veitt til bráðabyrgða gildir árið 2009 og fellur niður nema annað sé ákveðið.

Starfsmenntaverðlaunin voru afhennt í níunda sinn þann 7. nóvember sl. Samskip hlaut verðlaunin í flokki fyrirtækja og Fræðslusetrið í flokki skóla og fræðsluaðila.

Markmiðið er að auka menntun í atvinnulífinu og hvetja fólk til að leita sér þekkingar. Í ár er áhersla lögð á fræðslu í fyrirtækjum á almennum markaði og sem fyrr að ná til þeirra sem hafa stutta formlega menntun. Það er menntamálaráðuneytið sem stendur fyrir viku símenntunar í samstarfi við símenntunarstöðvarnar níu um landið og Mími símenntun á höfuðborgarsvæðinu.

Á ráðstefnu um nýja tíma í verslunarmenntun, sem haldin var fimmtudaginn 6. apríl, var fjallað um þá miklu þróun sem sem átt hefur sér stað á þessum vettvangi hér á land undanfarin misseri. Mikil aukning hefur verið í námsframboði fyrir starfsfólk verslunar- og þjónustufyrirtækja og fleiri námsbrautir eru í boði.