Fréttir

Hjá Samtökum atvinnulífsins var haldin kynning á Fræðslustjóra að láni sem er sameiginlegt verkefni nokkurra starfsmenntasjóða. Fjölmörg fróðleg erindi voru haldin um verkefnið. SVS ásamt Landsmennt og Starfsafli kynntu verkefnið og praktísk atriði. Fram kom í erindi starfsmenntasjóðanna að 120 fyrirtæki með 10.000 starfsmenn, hafa nú þegar fengið fræðslustjóra að láni.

Húsfyllir var á fyrsta fundi um starfsmenntamál hjá SA þann 24. september. Þröngt var um gesti en það kom ekki að sök, stuttir og snarpir fundir þar sem tekið er á starfsmenntamálum er yfirskrift fundarraðarinnar.

Kaupás ehf. hefur fengið fræðslustjóra að láni. Kaupás rekur 24 matvöruverslanir á höfuðborgarsvæðinu og vís vegar um sunnan- og austanvert landið. Um er að ræða eina stærstu keðju verslana hér á landi og fögnum við því að þetta verkefni er farið af stað.

Þann 12. júní s.l. var haldinn fundur um menntun verslunarfólks á Norðurlöndunum í Húsi atvinnulífsins. Fundurinn var á vegum SVÞ, Rannsóknarseturs Verslunarinnar og Starfgreinaráðs verslunar- og skrifstofufólks. Frummælendur vour starfsmenntafulltrúar frá félögum vinnuveitenda í verslun í Danmörku, Svíþjóð og Noregi.

Laugardaginn 7. júní sl útskrifuðust átta nemendur úr diplómanámi í verslunarstjórnun frá Háskólanum á Bifröst. Þessi dagur markaði þau tímamót að 10 ár eru liðin frá því fyrsti hópurinn útskrifaðist úr námi í verslunarstjórnun. Á þeim tíma hafa útskrifast alls 178 nemendur.

Íslenskir aðalverktakar hafa fengið til sín Fræðslustjóra að láni. Markmið verkefnisins er að taka markvissa greiningu á fræðsluþörf og setja fræðslumálin í ákveðin farveg, en að jafnaði er unnið öflugt fræðslustarf hjá ÍAV.

Elding Hvalaskoðun hafa fengið til sín fræðslustjóra að láni frá Starfsmenntasjóði verslunar og skrifstofufólks og Starfsafli. Fyrirtækið er búið að stækka og er að undirbúa sig fyrir vertíðina sem hefst nú á vormánuðum með auknu streymi ferðamanna. Markmiðið með að fá Fræðslustjóra að láni er að gera góðan vinnustað betri, auka starfsánægju og starfshæfni starfsmanna.