Fréttir

Mjólkursamsalan hefur fengið styrk í tengslum við samstarfsverkefni fræðslusjóða. Landsmennt styrkir verkefnið að stærstum hluta en auk þess styrkja Starfsafl, Starfsmenntasjóður verslunar- og skrifstofufólks, Iðan Fræðslusetur og Menntasjóður VSSÍ verkefnið sem gengur út á að aðstoða MS við að greina fræðslu og þjálfunarþarfir fyrirtækisins.

Mennta- og menningarmálaráðuneytið kynnti í gær á vef sínum viljayfirlýsingu um stofnun fagháskólastigs á Íslandi. Starfsmenntasjóður verslunar- og skrifstofufólks kemur að þessu verkefni og samrýmist það markmiðum sjóðsins um að auka starfshæfni og menntunarstig félagsmanna sjóðsins. Horft er til þess að boðið verði upp á nám fyrir starfsfólk í verslun á fagháskólastigi á skólaárinu 2017-18. Markmið SVS eru m.a. að stuðla að aukinni virðingu fyrir störfum í verslunar-, þjónustu- og skrifstofugreinum með því m.a. að styðja við áframhaldandi þróun náms fyrir þá sem starfa við þau.

Undirritaður hefur verið samningur við Domino´s Pizza á Íslandi (Pizza- Pizza ehf) um verkefnið Fræðslustjóri að láni. Þrír sjóðir koma að verkefninu og greiða það að fullu en verkefnið er fyrirtækjum að kostnaðarlausu. Ráðgjafi verður Sverrir Hjálmarsson hjá Vexti og ráðgjöf og telur verkefnið 125 tíma alls. Markmið verkefnisins er að gera fyrirtækinu kleift að setja fræðslu starfsmanna í markvissan farveg sem getur aukið samkeppnishæfni fyrirtækisins, bætt gæði vöru og þjónustu og aukið framlegð og starfsánægju starfsmanna.

Þrjú ferðaþjónustufyrirtæki hafa bæst í hóp þeirra fyrirtækja sem fara af stað með verkefnið Fræðslustjóri að láni innan síns fyrirtækis. Fyrirtækin sem um ræðir eru: Iceland Travel með 210 starfsmenn, Ferðaskrifstofa Íslands, með 30 starfsmenn og Hótel Keflavík með 27 starfsmenn.

Viltu láta meta hæfni þína sem starfsmaður í verslun? VR býður félagsmönnum sínum á hádegisfyrirlestur um raunfærnimat Verslunarfulltrúa.

Í síðustu viku var undirritaður samningur á milli Prentmets, RM ráðgjafar, IÐUNNAR fræðsluseturs og Starfsmenntasjóðs verslunar- og skrifstofufólks. Samningurinn felur í sér að sjóðirnir leggja til „Fræðslustjóra að láni“ sem greinir fræðsluþörf Prentmets og semur fræðsluáætlun byggða á greiningunni.

Íslenska gámafélagið var stofnað árið 1999 og býður uppá alhliða umhverfisþjónustu til fyrirtækja, sveitarfélaga og einstaklinga. Höfuðstöðvar fyrirtækisins eru í Gufunesinu í Reykjavík en félagið er með starfsstöðvar vítt og dreift um landið. Hjá Íslenska gámafélaginu starfa 250 manns og er óhætt að segja að starfsmannahópurinn sé fjölbreyttur en þar sameinast 10 þjóðir á öllum aldri.

Áttin er ný vefgátt sem var hönnuð til að auðvelda fyrirtækjum að sækja um styrki til starfsmenntunar. Heimasíða verkefnisins attin.is er vel sótt af forsvarsmönnum fyrirtækja og nú þegar hefur fjöldinn allur af styrkjum verið afgreiddur í gegnum Áttina.

Í dag undirrituðu fulltrúar tveggja fræðslusjóða samning við fyrirtækið Artic Adventures um að lána fyrirtækinu fræðslustjóra. Sjóðirnir eru Starfsafl og Starfsmenntasjóður verslunar- og skrifstofufólks (SVS). Rakel Hallgrímsdóttir frá Iðunni-fræðslusetur er fræðslustjóri að láni og mun vinna þarfagreiningu og kortleggja hæfni og þjálfunarþörf starfsmanna fyrirtæksins. Hjá Artic Adventures starfa um 90 manns sem sérhæfa sig í afþreyingaferðum víðsvegar um landið.