Fréttir

Háskólinn á Bifröst ásamt Háskólanum í Reykjavík, Starfsmenntasjóði verslunar- og skrifstofufólks og Starfsmenntasjóði verslunarinnar sóttu um styrk til þróunar fagháskólanáms í verslunarstjórnun. Umsóknin hefur verið samþykkt af Mennta- og menningarmálaráðuneytinu. Mikil þróunarvinna er búin að eiga sér stað og er námið að líta dagsins ljós. Það hefur hlotið nafnið Diplómanám í viðskiptafræði og verslunarstjórnun og mun hefjast á vorönn 2018. Námið verður 60 ects eininga nám og nýtast einingarnar áfram í BS gráðu í viðskiptafræði fyrir þá sem óska þess að halda áfram í námi. Námið er hannað útfrá hæfnigreiningu á starfi verslunarstjóra, rýnihópavinnu með starfandi verslunarstjórum og samstarfi við lykilfyrirtæki í verslun. Umsóknarfrestur í námið verður 20. janúar

Fyrirtækjum og starfsfólki í ferðaþjónustu býðst nú í fyrsta sinn ítarlegar leiðbeiningar um skipulag og innihald starfsnáms sem ætlað er til fræðslu og þjálfunar innan fyrirtækjanna. Um er að ræða upplýsingavef með námsskrá og leiðbeiningum fyrir stjórnendur ferðaþjónustufyrirtækja sem vilja veita lykilstarfsmönnum innan fyrirtækjanna þjálfun í að verða leiðbeinendur fyrir nýja starfsmenn og viðhalda starfsþjálfun þeirra sem fyrir eru í starfi (e. training of trainers).

Starfsmenntasjóður verslunar- og skrifstofufólks hefur í samstarfi við Háskólann á Bifröst og Háskólann í Reykjavík þróað tillögur að nýju námi fyrir verslunarstjóra sem byggir m.a. á hæfnigreiningu fyrir starf verslunarstjóra, viðhorfskönnun meðal starfandi verslunarstjóra og samstarfi við lykilfyrirtæki í verslun og þjónustu.

Stjórn SVS hefur samþykkt hækkun á styrkjum til félagsmanna sem tekur gildi um næstkomandi áramót. Veittur er hámarksstyrkur allt að 130.000 kr. á ári.

Félagsmanni og fyrirtæki gefst kostur á að sækja um sameiginlegan styrk til sjóðsins ef nám félagsmanns kostar kr. 500.000 eða meira. Umsókn er afgreidd eftir reglum sjóðsins um starfstengt nám.

Dokkan var með kynningu á því hvaða hindranir geti staðið í vegi fyrir fræðslu og þjálfun hjá fyrirtækjum. Selma Kristjánsdóttir starfsmaður SVS fór yfir helstu atriði sem snúa að starfsmenntun innan fyrirtækja hvað varðar fjármögnun, sýn, hvata og vilja. Hún kynnti Áttina sem er sameiginlegt verkefni og vefur starfsmenntasjóðanna á almenna markaðinum. Nú er hægt að sækja um starfsmenntastyrki í gegnum Áttina, sem einfaldar fyrirtækjum að sækja um ef þeir eru með starfsmenn sem tilheyra fleiri en einum starfsmenntasjóði. Mikill áhugi er á fræðslumálum hjá fyrirtækjum og var góð mæting á fyrirlesturinn.

Ársskýrsla SVS fyrir árið 2016 er komin út. Í henni má sjá tölfræði og greiningu á notkun sjóðsins bæði til einstaklinga og til fyrirtækja. Helsta breyting á milli ára er gífurleg aukning í útgreiðslu fyrirtækjastyrkja en upphæðin jókst um 125% frá 2015.

Stjórn SVS hefur tekið ákvörðun um að hækka hámark fyrirtækjastyrkja sem tekur þegar gildi. Nú geta fyrirtæki sótt um styrk sem getur numið allt að hámarki 75% af kostnaði við námskeiðahald og að hámarki 90.000 kr. á starfsmann sem er félagsmaður í VR/LÍV.

Menntadagur atvinnulífsins 2017 verður haldinn fimmtudaginn 2. febrúar á Hilton Reykjavík Nordica. Dagskrá verður birt þegar nær dregur en m.a. verða menntaverðlaun atvinnulífsins afhent. Þetta er í fjórða skipti sem menntadagur atvinnulfsins er haldinn en hann er samstarfsverkefni Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka iðnaðarins, Samtaka verslunar og þjónustu og Samtaka atvinnulífsins.