Fréttir

Stundum er erfitt að finna rétta námið eða námskeiðið og reglulega berast sjóðnum fyrirspurnir um það hvað er styrkhæft. Sjóðurinn bað nokkra félagsmenn að segja frá því hvaða nám þeir sóttu með styrk frá sjóðnum og hvernig það nýttist þeim í starfi.

Minnum alla félagsmenn á að nýta rétt sinn í sjóðinn fyrir árið 2020. 1. janúar uppfærist réttur félagsmanna sem þeir geta nýtt fyrir árið 2021.

Ársskýrsla sjóðsins er komin út. Þar kemur fram að á árinu 2019 voru greiddir styrkir úr sjóðnum hærri en iðgjöld eða 104% af greiddum iðgjöldum. Fjöldi einstaklinga í VR og LÍV sem sækja styrki í sjóðinn fjölgaði um 7% og upphæð greiddra einstaklingsstyrkja jókst um 11%. Hins vegar var fjöldi fyrirtækjastyrkja svipaður og árið áður, en greiðsla vegna fyrirtækjastyrkja lækkaði um 15%. Fyrirtæki sem fá samþykkta lækkun á iðgjaldi greiða 0,1% til sjóðsins í stað 0,3% og var upphæð afsláttarins til fyrirtækjanna 10 milljón krónum hærri 2019 en árið áður.

Hvað eru árangursrík samskipti og hvað ber helst að hafa í huga í fjarsamskiptum? Starfsmenntasjóðurinn býður félagsmönnum sínum og aðildarfyrirtækjum upp á örnámskeið um árangursrík samskipti Á næstu vikum mun sjóðurinn bjóða félagsmönnum og fyrirtækjum upp á fleiri örnámskeið. Sjá nánar hér

Stjórn SVS hefur ákveðið að veita fyrirtækjum sem eru að útbúa sitt eigið námsefni inn í rafrænt námsumhverfi allt að 200.000 kr. styrk. Með því að bjóða slíkan styrk vill stjórn sjóðsins hvetja fyrirtæki enn frekar til þess að bjóða starfsfólki sínu upp á þá fræðslu sem þörf er á og að nýta þekkinguna sem mannauður fyrirtækisins býr yfir.

Búið er að samþykkja að styrkja rafrænt námsumhverfi hjá fyrirtækjum með aðild að sjóðnum. Eftirfarandi reglur hafa verið samþykktar af stjórn SVS og taka þær gildi strax. Sjá nánar hér að neðan

Fyrsti hópur í nýju Fagnámi í verslun og þjónustu hóf nám í Verslunarskólanum í vikunni. Þátttakendur hafa allir víðtæka reynslu af verslunarstörfum og starfa hjá Lyfju, Samkaup og Húsasmiðjunni. Þessi fyrirtæki eru samstarfsaðilar og hafa tekið þátt í að móta námið. Samtals tuttugu manns eru í hópnum og er hluti af þeim á landsbyggðinni. Námið er fjarnám þannig að nemendur geta sinnt því þar sem þeim hentar. Raunfærnimat fyrir bóklega hlutann stendur nú yfir, en allir nemendur fengu einingar metnar inn í vinnustaðanámshluta námsins.

Diplómanám í viðskiptafræði og verslunarstjórnun er starfstengt fagháskólanám fyrir verslunarstjóra og einstaklinga með víðtæka reynslu af verslunarstörfum. Styrkur námsins liggur bæði í virku samstarfi við atvinnulífið og í samstarfi háskólanna tveggja um þróun þess og kennslu.

Nýtt nám fyrir starfsfólk í verslun hefur göngu sína í janúar 2020. Námið er 90 eininga nám á framhaldsskólastigi og er blanda af fjarnámi hjá Verzlunarskóla Íslands og vinnustaðanámi sem fer fram úti í fyrirtækjunum. Umsækjendum með viðeigandi starfsreynslu úr verslun og þjónustu stendur til boða að fara í raunfærnimat. Þetta er frábært tækifæri fyrir starfsfólk í verslun til þess að efla sig og styrkja stöðu sína.

Spennandi kostur fyrir verslunarstjóra! Kynning á diplómanámi sem hófst fyrir ári síðan í viðskiptafræði og verslunarstjórnun verður haldin þann 6. júní kl. 14.00 – 14.40 í salnum á 0. hæð í Húsi verslunarinnar.